نتيجة عملية التثدي بتعتمد على حاجة أساسية: إن الدكتور يشخّص حالتك صح ويختار التقنية اللي تناسبها. الأسئلة دي هتساعدك تفرّق بين الأسماء والإعلانات الكتير.
كتابة ومراجعة: د. نبيل ناجي، استشاري جراحة التجميل — آخر تحديث أكتوبر 2026
التثدي عملية تجميلية في الأساس، والهدف منها صدر شكله رجولي طبيعي، مش مجرد "شيل دهون". اسأل عن تخصص الدكتور وعضويته في الجمعية المصرية لجراحي التجميل والإصلاح (ESPRS)، واسأل هو بيعمل عمليات تثدي قد إيه.
ولازم كمان يحدد الدرجة (من الأولى للرابعة)، لأن الدرجات المتقدمة فيها جلد زيادة محتاج تعامل مختلف. لو الدكتور قالك "شفط وخلاص" من غير ما يفحص الغدة، اسأل تاني. اقرأ أكتر عن درجات التثدي الأربع والفرق بين التثدي الحقيقي والكاذب.
أشهر سبب لإن الراجل يرجع يعمل العملية تاني إن الغدة ما اتشالتش. الشفط لوحده بيدّي نتيجة كويسة في الأول، لكن الانتفاخ تحت الحلمة بيفضل ظاهر. اسأل بوضوح: "هتشيل الغدة ولا لأ؟ ومن أي فتحة؟" — اقرأ: هل التثدي بيرجع بعد العملية؟
اطلب صور لحالات من نفس الدرجة والنوع، ويفضّل فيديوهات لمرضى حقيقيين. صورة واحدة حلوة مش كفاية؛ المهم إن النتايج تكون ثابتة في حالات كتير. شوف نتائج حالات التثدي.
اسأل: العملية هتتعمل فين؟ بتخدير كلي ولا موضعي؟ وليه ده الأنسب لحالتك؟ مش كل حالة تنفع بالموضعي، ومش كل حالة محتاجة كلي. اقرأ عن عملية التثدي بالتخدير الموضعي.
النتيجة النهائية بتبان على مدار شهور. اسأل: مين هيتابعك؟ كام زيارة؟ هتلبس الكورسيه قد إيه؟ ولو انت من برا مصر، المتابعة هتكمل إزاي أونلاين؟ اقرأ عن الكورسيه بعد العملية ودليل المرضى من خارج مصر.
الدكتور الكويس بيقولك إيه اللي ممكن يحصل (تجمع سوائل، عدم تماثل بسيط، ترهل في الحالات المتقدمة) وإزاي بيتعامل معاه، بدل ما يوعدك بنتيجة "مضمونة ١٠٠٪". اقرأ عن مضاعفات عملية التثدي.
أفضل دكتور لعلاج التثدي هو اللي يشخّص حالتك بدقة، ويشيل الغدة لما تكون موجودة، ويوريك نتايج حقيقية، ويتابعك لحد النتيجة النهائية.
اسأل عن تخصصه في جراحة التجميل، وعدد عمليات التثدي اللي بيعملها، واطلب صور قبل وبعد لحالات من نفس نوع ودرجة حالتك.
لو التثدي كاذب (دهون فقط) ممكن يكفي. لكن لو فيه غدة، لازم تتشال، وإلا الانتفاخ تحت الحلمة هيفضل.
أيوه، ابعت صورة أمامية وجانبية على واتساب، ونحدد لك نوع ودرجة التثدي والإجراء المناسب.
ابعت صورة أمامية وجانبية وسنك ومدينتك، ونحدد لك الدرجة والإجراء والتكلفة.
